Megið þig eiga ánægjuleg áramót og horfið með gleði og von í hjarta inn í nýtt ár..

Gamlárskvöld.

Brátt gamla árið hverfur burt af braut

með skærum bjölluómi í alda skaut

er stundin kemur, titrar einhver strengur

í brjósti þér, þú grætur sem lítill drengur.

 

En því þá þessa stundu þessi tár?

jú..þú ert að kveðja, enn eitt æviár

því þetta ár mun aldrei aftur koma

en næsta ár er framtíð þinna vona.

 

Þinn hugur minnist alls sem áður var

áhyggna og alls sem út af bar

svo margt, svo margt sem mætti vera eytt

svo margt sem gerðist og verður ekki breytt.

 

Þú kveður þetta ár af hrærðum hug

reynir að vísa minningum á bug

tak þitt glas og helltu veigum í

horfðu í augu ástvinar þíns í.

 

Skálið fyrir góðu nýju ári

þú strýkur kannski burtu tregatári

faðma þína nánustu með hlýju

taktu á móti árinu, tvö þúsund og níu.

 

(ljóð Kolbrún Harpa)

Athugasemdir

[Helgi Þór Gunnarsson, 31.12.2008 kl. 00:46]

Sæl Harpa, mikið svakalega er þetta fallegt ljóð hjá þér kæra bloggvinkona, ég hafði grun um að þú kynnir að setja saman ljóð, en ég er mjög hissa, og ég verð að viðurkenna að ég er ekki áhugamaður um ljóð almennt, en engu að síður finnst mér þetta ljóð hjá þér mjög gott.

Með gleði í hjarta óska ég þér og þinni fjölskyldu árs og friðar með von um bjarta framtíð.

kær kveðja frá Áshamrinum.

[Kolbrún Harpa Vatnsdal Kolbeinsdóttir, 31.12.2008 kl. 06:13]

Ástarþakkir