Dagurinn í gær :)

Mikið var dagurinn í gær yndislegur í alla staði.

Og ég lýg því ekki að hitamælirinn var næstum tuttugu gráður.

Og það var yndislegt að setjast hérna út á pall með

nýlagað kaffi og ilmandi ristað brauð...

Hlusta á Lóuna í fjarska og aðra fugla sumarsins syngja

fyrir mig. Hundarnir makinduðu sig í sólinni og leið

augsýnilega vel ...eins og mér. Kannski veit þetta á gott sumar þegar sólin fer að klífa hærra og setjast enn seinna og slær roðagulli á fjöll og tinda og kyssir okkur góða nótt.

Og eins þegar hún vekur okkur snemma morguns og bíður okkur góðan dag í allri sinni fegurð.

Það er svo sannarlega þakkarvert að eiga heima á þessum fallega stað sem Heimaey er og fá

að njóta þessarar margbreytilegu náttúrufegurðar sem hún hefur uppá að bjóða.

Erindi úr einu ljóða minna Óskasteinninn:

 

Svo dýrmæt gjöf sem eyja..eyja þessi er

svo fagrar hennar björtu sumarnætur.

Atlantshafsins eðalsteinn...eðalsteinn hún er

í hjörtum okkar festir djúpar rætur.

 

Megum við njóta fleirri svona daga

 

Kærar kveðjur úr Kollukoti

Athugasemdir

[Helena, 29.4.2009 kl. 14:57]

Já það var sko ekki leiðinlegt þegar sú gula vakti mann með heitum kossi þarna um daginn :) Ég er hinsvegar svo skrítin að þegar ég vakna svona í glaða sólskini verð ég að fara og taka allt í gegn hér heima !!!! Rugluð !!!!jamm :)

Ennn ég fékk nú notið dagsins eftir hádegi þegar ´þú kíktir í heimsókn.....úfffffff hitinn á pallinum hefði nú ekki mátt vera meiri að mínu mati.

Þú hinsvegar hefðir örugglega ekkert kippt þér upp við tíu til tuttugu gráður í viðbót þarna beikonið þitt...hahahahahahaha :)

[Kolbrún Harpa Vatnsdal Kolbeinsdóttir, 29.4.2009 kl. 16:01]

Ha..ha..ha ég bara elska sólina og hitann...ég væri ábyggilega best geymd á einhverjum heitum stað yfir vetrartímann því ég þoli ekki að vera kalt og allra síst hin síðustu ár.

Bæ..bæ  kveðja frá Porký

[Helena, 30.4.2009 kl. 15:42]

Jamm það er satt....þú verður fín þegar þú verður gengin í ,,heldri-manna-félagið....eru þau ekki einmitt út um hvippinn og hvappinn í sólarlöndum yfir köldustu mánuðina og njóta svo sumarsins hér heima