Flottar skvísur

 

 

 

Kvennahandboltalið ÞÓRS

 

 

 

 

Þarna eru nokkrar glæsimeyjar sem gerðu garðinn

frægan á sínum tíma.

Og þarna er mamma fremst til vinstri á myndinni.

Hún tók mikinn þátt í íþróttum í gamla daga, ekki bara

í handboltanum heldur einnig frjálsum íþróttum.

Og seinna meir tók ég einnig þátt í íþróttunum

með henni og við fórum saman mæðgurnar að

keppa á móti hinum ýmsu félögum í frjálsum.

Mamma í spjótkasti og kúlu. En ég í hástökki,

hlaupi og langstökki.

Ég prófaði einu sinni kúluna en hún datt niður rétt

fyrir utan hringinn ha..ha

Svo má nefna að Óli bróðir mömmu var með í ferðum

og tók þátt í sleggjukasti.

 

Ég hef einu sinni orðið svo fræg að vinna til verðlauna sem

sigurvegari í keppni. En þá var ég 12 ára og verðlaunin

voru dagsferð til Kúlusukk á Grænlandi. Þangað fór ég ásamt dreng sem var stigahæstur í sínum aldursflokki. Það var mikið upplifelsi að fara þangað og sjá hvernig fólkið bjó.

Ég var reyndar dálítið súr yfir því að geta ekki keypt hvítabjarnarfelldinn sem var til sölu. En þar sem ég var ekki með nægan pening þá endaði ég í heimagerðri hálsfesti, ríkulega skreyttri að sið Grænlendinga og var bara nokkuð ánægð með gripinn þegar heim var komið.

 

Athugasemdir

[Kolbrún Harpa Vatnsdal Kolbeinsdóttir, 19.3.2009 kl. 07:56]

Erla Eiríks (Vídó) er lengst til hægri á myndinni. Mikið væri nú gaman að

fá nöfn hinna kvennanna. Ég kannast þarna við nokkrar konur en er ekki með 

nöfnin á hreinu.

[Kolbrún Harpa Vatnsdal Kolbeinsdóttir, 19.3.2009 kl. 08:02]

Konan fyrir miðju í aftari röð er Svana á Strandbergi. Hún rak tuskubúð lengi vel á neðri hæðinni þar sem gallerýið er að fara að koma sér fyrir þessa dagana. Konan sem er önnur í röðinni þeirri aftari talið frá vinstri. Er líklega móðir Sælanna er það ekki rétt athugað?